Nouchhaltigkeit vu dä Härstellig bi zur Verleggig

D’Natur z‘respektierä, d‘Verbundäheit mit dä Heimät und s’traditionellä Handwärk händ dä Usschlag für d’Idee zum Schwyzer Parkett gäh. Holz isch ä Schatz vu dä Natur und än kostbarä Rohstoff. Trotzdem wärded im Usland regelmässig tuusigi vu Quadratmeter Wald nüd nouchhaltig abgholzt. Wänn mer sich überleit, dass mer i dä Schwiiz gnueg Holz, handwerklichi Betriib und erfahrni Fachlüt händ, dänn gits e kei Grund, warum mer nüd die eignä Ressourcä nutzt. Das innovativi Produkt überzügt mit sinerä Schwyzer Qualität und setzt vum Rohstoff, über dHärstellig bis zu dä churzä Transportwäg ä nüä Trend gäge dä Import und förderet dezue ane no d’Schwiizer Holzwirtschaft.

Fescht verwurzlet

Än altä Baum söll me jo bekanntli nüd verpflanzä. Mit Schwyzer Parkett isch es aber sogar mögli, dass ä Baum us Ihrem Bsitz zum Holzbodä wird und i nüäm Glanz erstrahlt.